AstaLakshmi Stotram – ॥ ଅଷ୍ଟଲକ୍ଷ୍ମୀସ୍ତୋତ୍ରମ୍ ॥

 
॥ ଆଦିଲକ୍ଷ୍ମୀ ॥

ସୁମନସଵନ୍ଦିତ ସୁନ୍ଦରି ମାଧଵି                    ଚନ୍ଦ୍ର ସହୋଦରି ହେମମୟେ ।
ମୁନିଗଣମଣ୍ଡିତ ମୋକ୍ଷପ୍ରଦାୟିନି          ମଞ୍ଜୁଳଭାଷିଣି ଵେଦନୁତେ ॥
ପଙ୍କଜଵାସିନି ଦେଵସୁପୂଜିତ             ସଦ୍ଗୁଣଵର୍ଷିଣି ଶାନ୍ତିୟୁତେ ।
ଜୟଜୟ ହେ ମଧୁସୂଦନ କାମିନି          ଆଦିଲକ୍ଷ୍ମି ସଦା ପାଲୟ ମାମ୍ ॥ ୧॥
  

॥ ଧାନ୍ୟଲକ୍ଷ୍ମୀ ॥

ଅହିକଲି କଲ୍ମଷନାଶିନି କାମିନି      ଵୈଦିକରୂପିଣି ଵେଦମୟେ ।
କ୍ଷୀରସମୁଦ୍ଭଵ ମଙ୍ଗଲରୂପିଣି      ମନ୍ତ୍ରନିଵାସିନି ମନ୍ତ୍ରନୁତେ ॥
ମଙ୍ଗଲଦାୟିନି ଅମ୍ବୁଜଵାସିନି      ଦେଵଗଣାଶ୍ରିତ ପାଦୟୁତେ ।
ଜୟଜୟ ହେ ମଧୁସୂଦନ କାମିନି      ଧାନ୍ୟଲକ୍ଷ୍ମି ସଦା ପାଲୟ ମାମ୍ ॥ ୨॥  

॥ ଧୈର୍ୟଲକ୍ଷ୍ମୀ ॥

ଜୟଵରଵର୍ଣିନି ଵୈଷ୍ଣଵି ଭାର୍ଗଵି      ମନ୍ତ୍ରସ୍ଵରୂପିଣି ମନ୍ତ୍ରମୟେ ।
ସୁରଗଣପୂଜିତ ଶୀଘ୍ରଫଲପ୍ରଦ      ଜ୍ଞାନଵିକାସିନି ଶାସ୍ତ୍ରନୁତେ ॥
ଭଵଭୟହାରିଣି ପାପଵିମୋଚନି      ସାଧୁଜନାଶ୍ରିତ ପାଦୟୁତେ ।

ଜୟଜୟ ହେ ମଧୁସୂଦନ କାମିନି      ଧୈର୍ୟଲକ୍ଷ୍ମି ସଦା ପାଲୟ ମାମ୍ ॥ ୩॥  

॥ ଗଜଲକ୍ଷ୍ମୀ ॥

 ଜୟଜୟ ଦୁର୍ଗତିନାଶିନି କାମିନି      ସର୍ଵଫଲପ୍ରଦ ଶାସ୍ତ୍ରମୟେ ।

ରଥଗଜ ତୁରଗପଦାଦି ସମାଵୃତ      ପରିଜନମଣ୍ଡିତ ଲୋକନୁତେ ॥

ହରିହର ବ୍ରହ୍ମ ସୁପୂଜିତ ସେଵିତ      ତାପନିଵାରିଣି ପାଦୟୁତେ ।

ଜୟଜୟ ହେ ମଧୁସୂଦନ କାମିନି      ଗଜଲକ୍ଷ୍ମି ରୂପେଣ ପାଲୟ ମାମ୍ ॥ ୪॥   

॥ ସନ୍ତାନଲକ୍ଷ୍ମୀ ॥

ଅହିଖଗ ଵାହିନି ମୋହିନି ଚକ୍ରିଣି      ରାଗଵିଵର୍ଧିନି ଜ୍ଞାନମୟେ ।

ଗୁଣଗଣଵାରିଧି ଲୋକହିତୈଷିଣି      ସ୍ଵରସପ୍ତ ଭୂଷିତ ଗାନନୁତେ ॥

ସକଲ ସୁରାସୁର ଦେଵମୁନୀଶ୍ଵର      ମାନଵଵନ୍ଦିତ ପାଦୟୁତେ ।

ଜୟଜୟ ହେ ମଧୁସୂଦନ କାମିନି      ସନ୍ତାନଲକ୍ଷ୍ମି ତ୍ଵଂ ପାଲୟ ମାମ୍ ॥ ୫॥

    ॥ ଵିଜୟଲକ୍ଷ୍ମୀ ॥

 ଜୟ କମଲାସନି ସଦ୍ଗତିଦାୟିନି      ଜ୍ଞାନଵିକାସିନି ଗାନମୟେ ।

ଅନୁଦିନମର୍ଚିତ କୁଙ୍କୁମଧୂସର-      ଭୂଷିତ ଵାସିତ ଵାଦ୍ୟନୁତେ ॥

କନକଧରାସ୍ତୁତି ଵୈଭଵ ଵନ୍ଦିତ      ଶଙ୍କର ଦେଶିକ ମାନ୍ୟ ପଦେ ।

ଜୟଜୟ ହେ ମଧୁସୂଦନ କାମିନି      ଵିଜୟଲକ୍ଷ୍ମି ସଦା ପାଲୟ ମାମ୍ ॥ ୬॥   

॥ ଵିଦ୍ୟାଲକ୍ଷ୍ମୀ ॥

ପ୍ରଣତ ସୁରେଶ୍ଵରି ଭାରତି ଭାର୍ଗଵି      ଶୋକଵିନାଶିନି ରତ୍ନମୟେ ।

ମଣିମୟଭୂଷିତ କର୍ଣଵିଭୂଷଣ      ଶାନ୍ତିସମାଵୃତ ହାସ୍ୟମୁଖେ ॥

ନଵନିଧିଦାୟିନି କଲିମଲହାରିଣି      କାମିତ ଫଲପ୍ରଦ ହସ୍ତୟୁତେ ।

ଜୟଜୟ ହେ ମଧୁସୂଦନ କାମିନି      ଵିଦ୍ୟାଲକ୍ଷ୍ମି ସଦା ପାଲୟ ମାମ୍ ॥୭॥   

॥ ଧନଲକ୍ଷ୍ମୀ ॥

ଧିମିଧିମି ଧିଂଧିମି ଧିଂଧିମି ଧିଂଧିମି      ଦୁନ୍ଦୁଭି ନାଦ ସୁପୂର୍ଣମୟେ ।
ଘୁମଘୁମ ଘୁଂଘୁମ ଘୁଂଘୁମ ଘୁଂଘୁମ     ଶଙ୍ଖନିନାଦ ସୁଵାଦ୍ୟନୁତେ ॥
ଵେଦପୁରାଣେତିହାସ ସୁପୂଜିତ      ଵୈଦିକମାର୍ଗ ପ୍ରଦର୍ଶୟୁତେ ।
ଜୟଜୟ ହେ ମଧୁସୂଦନ କାମିନି      ଧନଲକ୍ଷ୍ମି ରୂପେଣ ପାଲୟ ମାମ୍ ॥ ୮॥