। । ଗଣପତି ଅଥବ଼ର୍ଶୀର୍ଷୋପନିଷତ୍ । ।

। । ଗଣପତି ଅଥବ଼ର୍ଶୀର୍ଷୋପନିଷତ୍ । ।

ଓଁ ନମସ୍ତେ ଗଣପତୟେ । ତ୍ୱମେବ଼ ପ୍ରତ୍ୟକ୍ଷଂ ତତ୍ତ୍ୱମସି । ତ୍ୱମେବ଼କେବ଼ଲଂ କର୍ତ୍ତାଽସି । ତ୍ୱମେବ଼କେବ଼ଲଂ ଧର୍ତ୍ତାଽସି । ତ୍ୱମେବ଼କେବ଼ଲଂ ହର୍ତ୍ତାଽସି । ତ୍ୱମେବ଼ସର୍ବ଼ଂ ଖଲ୍ୱିଦଂ ବ୍ରହ୍ମାସି । ତ୍ୱଂ ସାକ୍ଷାଦ୍‌ଆତ୍ମାଽସି ନିତ୍ୟମ୍ । ।୧ ।।

ଋତଂ ବ଼ଚ୍ମି । ସତ୍ୟଂ ବ଼ଚ୍ମି । ।୨ । ।

ଅବ଼ ତ୍ୱଂ ମାମ୍ । ଅବ଼ ବ଼କ୍ତାରମ୍ । ଅବ଼ ଶ୍ରୋତାରମ୍ । ଅବ଼ ଦାତାରମ୍ । ଅବ଼ ଧାତାରମ୍ । ଅବ଼ାନୂଚାନମବ଼ ଶିଷ୍ୟମ୍ । ଅବ଼ ପଶ୍ଚାତ୍ତ।ତ୍ । ଅବ଼ ପୁରସ୍ତାତ୍ । ଅବେ଼ାତ୍ତରାତ୍ତାତ୍ । ଅବ଼ ଦକ୍ଷିଣାତ୍ତାତ୍ । ଅବ଼ ଚୋର୍ଦ୍ଧ୍ୱାତ୍ତାତ୍ । ଅବ଼ାଧରାତ୍ତାତ୍ । ସବ଼ର୍ତୋ ମାଂ ପାହି ପାହି ସମନ୍ତାତ୍ । । ୩ । ।

ତ୍ୱଂ ବ଼ାଙ୍ମୟସ୍ତ୍ୱଂ ଚିନ୍ମୟଃ । ତ୍ୱମାନନ୍ଦମୟସ୍ତ୍ୱଂ ବ୍ରହ୍ମମୟଃ । ତ୍ୱଂ ସଚ୍ଚିଦାନନ୍ଦୋଽଦ୍ୱିତୀୟୋଽସି । ତ୍ୱଂ ପ୍ରତ୍ୟକ୍ଷଂ ବ୍ରହ୍ମାସି । ତ୍ୱଂ ଜ୍ଞାନମୟୋ ବ଼ିଜ୍ଞାନମୟୋଽସି । । ୪ । ।

ସର୍ବ଼ଂ ଜଗଦିଦଂ ତ୍ୱତ୍ତୋ ଜାୟତେ । ସର୍ବ଼ଂ ଜଗଦିଦଂ ତ୍ୱତ୍ତସ୍ତିଷ୍ଠତି । ସର୍ବ଼ଂ ଜଗଦିଦଂ ତ୍ୱୟି ଲୟମେଷ୍ୟତି । ସର୍ବ଼ଂ ଜଗଦିଦଂ ତ୍ୱୟି ପ୍ରତ୍ୟେତି । ତ୍ୱଂ ଭୂମିରାପୋଽନଲୋଽନିଲୋ ନଭଃ । ତ୍ୱଂ ଚତ୍ୱାରି ବ଼ାକ୍‌ପଦାନି । । ୫ । ।

ତ୍ୱଂ ଗୁଣତ୍ରୟାତୀତଃ । ତ୍ୱଂ ଅବ଼ସ୍ଥାତ୍ରୟାତୀତଃ । ତ୍ୱଂ ଦେହତ୍ରୟାତୀତଃ । ତ୍ୱଂ କାଲତ୍ରୟାତୀତଃ । ତ୍ୱଂ ମୂଲାଧାରସ୍ଥିତୋଽସି ନିତ୍ୟମ୍ । ତ୍ୱଂ ଶକ୍ତିତ୍ରୟାତ୍ମକଃ । ତ୍ୱାଂ ୟୋଗିନୋ ଧ୍ୟାୟନ୍ତି ନିତ୍ୟମ୍ । ତ୍ୱଂ ବ୍ରହ୍ମା ତ୍ୱଂ ବ଼ିଷ୍ଣୁସ୍ତ୍ୱଂ ରୁଦ୍ରସ୍ତ୍ୱମିନ୍ଦ୍ରସ୍ତ୍ୱମଗ୍ନିସ୍ତ୍ୱଂ ବ଼ାୟୁସ୍ତ୍ୱଂ ସୂର‌୍ୟସ୍ତ୍ୱଂ ଚନ୍ଦ୍ରମାସ୍ତ୍ୱଂ ବ୍ରହ୍ମ ଭୂର୍ଭୁବ଼ଃ ସ୍ୱରୋମ୍ । ।୬ । ।

ଗଣାଦିଂ ପୂବ଼ର୍ମୁଚ୍ଚାର‌୍ୟ ବ଼ର୍ଣ୍ଣାଦୀଂ ସ୍ତଦନନ୍ତରମ୍ । ଅନୁସ୍ୱାରଃ ପରତରଃ । ଅର୍ଦ୍ଧେନ୍ଦୁଲସିତମ୍ । ତାରେଣ ଋଦ୍ଧମ୍ । ଏତତ୍ତବ଼ ମନୁସ୍ୱରୂପମ୍ । ଗକାରଃ ପୂବ଼ର୍ରୂପମ୍ । ଅକାରୋ ମଧ୍ୟମରୂପମ୍ । ଅନୁସ୍ୱାର ଶ୍ଚାନ୍ତ୍ୟରୂପମ୍ । ବିନ୍ଦୁରୁତ୍ତରରୂପମ୍ । ନାଦଃ ସନ୍ଧାନମ୍ । ସଗ୍‌ଂହିତା ସନ୍ଧିଃ । ସୈଷା ଗଣେଶବ଼ିଦ୍ୟା । ଗଣକ ଋଷିଃ । ନିଚୃଦ୍‌ଗାୟତ୍ରୀଚ୍ଛନ୍ଦଃ । ଗଣପତିର୍ଦେବ଼ତା । ଓଁ ଗଂ ଗଣପତୟେ ନମଃ । । ୭ । ।

ଏକଦନ୍ତାୟ ବ଼ିଦ୍ମହେ । ବ଼କ୍ରତୁଣ୍ଡାୟ ଧୀମହି । ତନ୍ନୋ ଦନ୍ତିଃ ପ୍ରଚୋଦୟାତ୍ । । ୮ । ।

ଏକଦନ୍ତଂ ଚତୁର୍ହସ୍ତଂ ପାଶମଙ୍କୁଶଧାରିଣମ୍ । ରଦଂ ଚ ବ଼ରଦଂ ହସ୍ତୈର୍ବିଭ୍ରାଣଂ ମୂଷକଧ୍ୱଜମ୍ । ରକ୍ତଂ ଲମ୍ବୋଦରଂ ଶୂର୍ପକର୍ଣ୍ଣକଂ ରକ୍ତବ଼ାସସମ୍ । ରକ୍ତଗନ୍ଧାନୁଲିପ୍ତାଙ୍ଗଂ ରକ୍ତପୁଷ୍ପୈଃ ସୁପୂଜିତମ୍ । ଭକ୍ତାନୁକମ୍ପିନଂ ଦେବ଼ଂ ଜଗତ୍‌କାରଣମଚ୍ୟୁତମ୍ । ଆବ଼ିର୍ଭୂତଂ ଚ ସୃଷ୍ଟ୍ୟାଦୌ ପ୍ରକୃତେଃ ପୁରୁଷାତ୍‌ପରମ୍ । ଏବ଼ଂ ଧ୍ୟାୟତି ୟୋ ନିତ୍ୟଂ ସ ୟୋଗୀ ୟୋଗୀନାଂ ବ଼ରଃ । । ୯ । ।

ନମୋ ବ଼୍ରାତପତୟେ । ନମୋ ଗଣପତୟେ । ନମଃ ପ୍ରମଥପତୟେ । ନମସ୍ତେଽସ୍ତୁ ଲମ୍ବୋଦରାୟ ଏକଦନ୍ତାୟ ବ଼ିଘ୍ନନାଶିନେ ଶିବ଼ସୁତାୟ ବ଼ରଦମୂର୍ତ୍ତୟେ ନମଃ । । ୧୦ । ।