ଅଚ୍ୟୁତାଷ୍ଟକମ୍ Achyutashtakam

॥ ଅଚ୍ୟୁତାଷ୍ଟକମ୍ ॥

ଅଚ୍ୟୁତଂ କେଶବ଼ଂ ରାମନାରାୟଣଂ କୃଷ୍ଣଦାମୋଦରଂ ବ଼ାସୁଦେବ଼ଂ ହରିମ୍ ।
ଶ୍ରୀଧରଂ ମାଧବ଼ଂ ଗୋପିକାବ଼ଲ୍ଲଭଂ ଜାନକୀନାୟକଂ ରାମଚନ୍ଦ୍ରଂ ଭଜେ ॥ ୧॥

ଅଚ୍ୟୁତଂ କେଶବ଼ଂ ସତ୍ୟଭାମାଧବ଼ଂ ମାଧବ଼ଂ ଶ୍ରୀଧରଂ ରାଧିକାରାଧିତମ୍ ।
ଇନ୍ଦିରାମନ୍ଦିରଂ ଚେତସା ସୁନ୍ଦରଂ ଦେବ଼କୀନନ୍ଦନଂ ନନ୍ଦନଂ ସଂଦଧେ ॥ ୨॥

ବ଼ିଷ୍ଣବେ଼ ଜିଷ୍ଣବେ଼ ଶଙ୍ଖିନେ ଚକ୍ରିଣେ ରୁକ୍ମିନୀରାଗିଣେ ଜାନକୀଜାନୟେ ।
ବ଼ଲ୍ଲଵୀବ଼ଲ୍ଲଭାୟାଽର୍ଚିତାୟାତ୍ମନେ କଂସବ଼ିଧ୍ଵଂସିନେ ବ଼ଂଶିନେ ତେ ନମଃ ॥ ୩॥

କୃଷ୍ଣ ଗୋବ଼ିନ୍ଦ ହେ ରାମ ନାରାୟଣ ଶ୍ରୀପତେ ବ଼ାସୁଦେବ଼ାଜିତ ଶ୍ରୀନିଧେ ।
ଅଚ୍ୟୁତାନନ୍ତ ହେ ମାଧବ଼ାଧୋକ୍ଷଜ ଦ୍ଵାରକାନାୟକ ଦ୍ରୌପଦୀରକ୍ଷକ ॥ ୪॥

ରାକ୍ଷସକ୍ଷୋଭିତଃ ସୀତୟା ଶୋଭିତୋ ଦଣ୍ଡକାରଣ୍ୟଭୂପୁଣ୍ୟତାକାରଣଃ ।
ଲକ୍ଷ୍ମଣେନାନ୍ଵିତୋ ବ଼ାନରୈଃ ସେବ଼ିତୋଽଗସ୍ତ୍ୟସମ୍ପୂଜିତୋ ରାଘଵଃ ପାତୁ ମାମ୍ ॥ ୫॥

ଧେନୁକାରିଷ୍ଟକୋଽନିଷ୍ଟକୃଦ୍ଦ୍ଵେଷିଣାଂ କେଶିହା କଂସହୃଦ୍ଵଂଶିକାବ଼ାଦକଃ ।
ପୂତନାକୋପକଃ ସୂରଜାଖେଲନୋ ବାଲଗୋପାଲକଃ ପାତୁ ମାମ୍ ସର୍ଵଦା ॥ ୬॥

ବ଼ିଦ୍ୟୁଦୁଦ୍ଧୟୋତବ଼ାନପ୍ରସ୍ଫୁରଦ୍ଵାସସଂ ପ୍ରାବ଼ୃଡମ୍ଭୋଦବ଼ତ୍ପ୍ରୋଲ୍ଲସଦ୍ଵିଗ୍ରହମ୍ ।
ବ଼ନ୍ୟୟା ମାଲୟା ଶୋଭିତୋରଃସ୍ଥଲଂ ଲୋହିତାଂଘ୍ରିଦ୍ଵୟଂ ବ଼ାରିଜାକ୍ଷଂ ଭଜେ ॥ ୭॥

କୁଞ୍ଚିତୈଃ କୁନ୍ତଲୈର୍ଭ୍ରାଜମାନାନନଂ ରତ୍ନମୌଲିଂ ଲସତ୍ କୁଣ୍ଡଲଂ ଗଣ୍ଡୟୋଃ ।
ହାରକେୟୂରକଂ କଙ୍କଣପ୍ରୋଜ୍ଜ୍ଵଲଂ କିଙ୍କିଣୀମଞ୍ଜୁଲଂ ଶ୍ୟାମଲଂ ତଂ ଭଜେ ॥ ୮॥

ଅଚ୍ୟୁତସ୍ୟାଷ୍ଟକଂ ୟଃ ପଠେଦିଷ୍ଟଦଂ ପ୍ରେମତଃ ପ୍ରତ୍ୟହଂ ପୂରୁଷଃ ସସ୍ପୃହମ୍ ।
ବ଼ୃତ୍ତତଃ ସୁଂଦରଂ କର୍ତୃ ବ଼ିଶ୍ଵଂଭରଂ ତସ୍ୟ ବ଼ଶ୍ୟୋ ହରିର୍ଜାୟତେ ସତ୍ଵରମ୍ ॥ ୯॥

॥ ଇତି ଶ୍ରୀଶଂକରାଚାର‌୍ୟବ଼ିରଚିତମଚ୍ୟୁତାଷ୍ଟକଂ ସମ୍ପୂର୍ଣମ୍ ॥