SHRI RUDRA NYASA – ନମକମ୍

SHRI RUDRA PRASNA LAGHU NYASA


ଲଘୁନ୍ୟାସଃ –

ଅଥାତ୍ମାନଂ ଶିବାତ୍ମାନଂ ଶ୍ରୀରୁଦ୍ରରୂପଂ ଧ୍ୟାୟେତ । ଶୁଦ୍ଧସ୍ଫଟିକସଂକାଶଂ ତ୍ରିନେତ୍ରଂ ପଞ୍ଚବକ୍ତ୍ରକମ୍ । ଗଙ୍ଗାଧରଂ ଦଶଭୁଜଂ ସର୍ବାଭରଣାଭୂଷିତମ୍ । ।ନୀଲଗ୍ରୀବଂ ଶଶାଂକାଂକଂ ନାଗୟଜେ୍ଞାପବୀତିନମ୍ । ବ୍ୟାଘ୍ରଚର୍ମୋତ୍ତରୀୟଂ ଚ ବରେଣ୍ୟମଭୟପ୍ରଦମ୍ । । କମଣ୍ଡଲ୍ୱକ୍ଷସୂତ୍ରାଣାଂ ଧାରିଣଂ ଶୂଲପାଣିନମ୍ । ଜ୍ୱଲନ୍ତଂ ପିଙ୍ଗଲଜଟା-ଶିଖାମୁଦ୍ୟୋତଧାରିଣମ୍ । ।ବୃଷସ୍କନ୍ଧ-ସମାରୂଢଂ ଉମାଦେହାର୍ଦ୍ଧ-ଧାରିଣମ୍ । ଅମୃତେନାପ୍ଲୃତଂ ଶାନ୍ତଂ ଦିବ୍ୟଭୋଗ-ସମନ୍ୱିତମ୍ । । ଦିଗ୍‌ଦେବତାସମାୟୁକ୍ତଂ ସୁରାସୁରନମସ୍କୃତମ୍ । ନିତ୍ୟଂ ଚ ଶାଶ୍ୱତଂ ଶୁଦ୍ଧଂ ଧ୍ରୁବମକ୍ଷରମବ୍ୟୟମ୍ । । ସର୍ବବ୍ୟାପିନ-ମୀଶାନଂ ରୁଦ୍ରଂ ବୈ ବିଶ୍ୱରୂପିଣମ୍ । ଏବଂ ଧ୍ୟାତ୍ୱା ଦ୍ୱିଜସ୍‌ସମ୍ୟକ୍ ତତୋ ୟଜନମାରଭେତ୍ । ।
ପ୍ରଜନେନ ବ୍ରହ୍ମା ତିଷ୍ଠତୁ । ପାଦୟୋଃ ବିଷ୍ଣୁସ୍ତିଷ୍ଠତୁ । ହସ୍ତୟୋଃ ହରସ୍ତିଷ୍ଠତୁ । ବାହ୍ୱୋରିନ୍ଦ୍ରସ୍ତିଷ୍ଠତୁ । ଜଠରେଽଗ୍ନିସ୍ତିଷ୍ଠତୁ । ହୃଦୟେ ଶିବସ୍ତିଷ୍ଠତୁ । କଣ୍ଠେ ବସବସ୍ତିଷ୍ଠନ୍ତୁ । ବକ୍ତ୍ରେ ସରସ୍ୱତୀ ତିଷ୍ଠତୁ । ନାସିକୟୋଃ ବାୟୁସ୍ତିଷ୍ଠତୁ । ନୟନୟୋଃ ଚନ୍ଦ୍ରାଦିତ୍ୟୌ ତିଷ୍ଠେତାମ୍ । କର୍ଣ୍ଣୟୋଃ ଅଶ୍ୱିନୌ ତିଷ୍ଠେତାମ୍ । ଲଲାଟେ ରୁଦ୍ରାସ୍ତିଷ୍ଠନ୍ତୁ । ମୂଦ୍ର୍ଧ୍ନ୍ୟାଦିତ୍ୟାସ୍ତିଷ୍ଠନ୍ତୁ । ଶିରସି ମହାଦେବସ୍ତିଷ୍ଠତୁ । ଶିଖାୟାଂ ବାମଦେବସ୍ତିଷ୍ଠତୁ । ପୃଷ୍ଠେ ପିନାକୀ -ସ୍ତିଷ୍ଠତୁ । ପୁରତଃ ଶୂଳୀ-ସ୍ତିଷ୍ଠତୁ । ପାଶ୍ୱର‌୍ୟୋଃ ଶିବାଶଙ୍କରୌ ତିଷ୍ଠେତାମ୍ । ସର୍ବତୋ ବାୟୁସ୍ତିଷ୍ଠତୁ । ତତୋ ବହିଃ ସର୍ବତୋଽଗ୍ନିଜ୍ୱାର୍ଲାମାଲା-ପରିବୃତସ୍ତିଷ୍ଠତୁ । ସର୍ବେଷୁ ଅଙ୍ଗେଷୁ ସର୍ବା ଦେବତା ୟଥାସ୍ଥାନଂ ତିଷ୍ଠନ୍ତୁ । ମାଂ ରକ୍ଷନ୍ତୁ । ସର୍ବାନ୍ ମହାଜନାନ୍ ରକ୍ଷନ୍ତୁ । ।
ଅଗ୍ନିର୍ମେ ବାଚି ଶ୍ରିତଃ । ବାଗ୍‌ଧୃଦୟେ । ହୃଦୟଂ ମୟି । ଅହମମୃତେ । ଅମୃତଂ ବ୍ରହ୍ମଣି । ବାୟୁର୍ମେ ପ୍ରାଣେ ଶ୍ରିତଃ । ପ୍ରାଣୋ ହୃଦୟେ । ହୃଦୟଂ ମୟି । ଅହମମୃତେ । ଅମୃତଂ ବ୍ରହ୍ମଣି । ଚନ୍ଦ୍ରମା ମେ ମନସି ଶ୍ରିତଃ । ମନୋ ହୃଦୟେ । ହୃଦୟଂ ମୟି । ଅହମମୃତେ । ଅମୃତଂ ବ୍ରହ୍ମଣି । ଦିଶୋ ମେ ଶ୍ରୋତ୍ରେ ଶ୍ରିତାଃ । ଶ୍ରୋତ୍ରଗ୍‌ଂ ହୃଦୟେ । ହୃଦୟଂ ମୟି । ଅହମମୃତେ । ଅମୃତଂ ବ୍ରହ୍ମଣି । ଆପୋ ମେ ରେତସି ଶ୍ରିତାଃ । ରେତୋ ହୃଦୟେ । ହୃଦୟଂ ମୟି । ଅହମମୃତେ । ଅମୃତଂ ବ୍ରହ୍ମଣି । ପୃଥିବୀ ମେ ଶରୀରେ ଶ୍ରିତାଃ । ଶରୀରଗ୍‌ଂ ହୃଦୟେ । ହୃଦୟଂ ମୟି । ଅହମମୃତେ । ଅମୃତଂ ବ୍ରହ୍ମଣି । ଓଷଧିବନସ୍ପତୟୋ ମେ ଲୋମସୁ ଶ୍ରିତାଃ । ଲୋମାନି ହୃଦୟେ । ହୃଦୟଂ ମୟି । ଅହମମୃତେ । ଅମୃତଂ ବ୍ରହ୍ମଣି । ଇନ୍ଦ୍ରୋ ମେ ବଲେ ଶ୍ରିତଃ । ବଲଗ୍‌ଂ ହୃଦୟେ । ହୃଦୟଂ ମୟି । ଅହମମୃତେ । ଅମୃତଂ ବ୍ରହ୍ମଣି । ପର୍ଜନ୍ୟୋ ମେ ମୂଦ୍ର୍ଧ୍ନି ଶ୍ରିତଃ । ମୂର୍ଦ୍ଧା ହୃଦୟେ । ହୃଦୟଂ ମୟି । ଅହମମୃତେ । ଅମୃତଂ ବ୍ରହ୍ମଣି । ଈଶାନୋ ମେ ମନ୍ୟୌ ଶ୍ରିତଃ । ମନ୍ୟୁର୍ହୃଦୟେ । ହୃଦୟଂ ମୟି । ଅହମମୃତେ । ଅମୃତଂ ବ୍ରହ୍ମଣି । ଆତ୍ମା ମ ଆତ୍ମନି ଶ୍ରିତଃ । ଆତ୍ମା ହୃଦୟେ । ହୃଦୟଂ ମୟି । ଅହମମୃତେ । ଅମୃତଂ ବ୍ରହ୍ମଣି । ପୁନର୍ମ ଆତ୍ମା ପୁନରାୟୁରାଗାତ୍ । ପୁନଃ ପ୍ରାଣଃ ପୁନରାକୂତମାଗାତ୍ । ବୈଶ୍ୱାନରୋ ରଶ୍ମିଭିର୍ବାବୃଧାନଃ । ଅନ୍ତସ୍ତିଷ୍ଠତ୍ୱମୃତସ୍ୟ ଗୋପାଃ । ।
ଅସ୍ୟ ଶ୍ରୀ ରୁଦ୍ରାଧ୍ୟାୟପ୍ରଶ୍ନ-ମହାମନ୍ତ୍ରସ୍ୟ ଅଘୋର ଋଷିଃ, ଅନୁଷ୍ଟୁପ୍ ଛନ୍ଦଃ, ସଙ୍କର୍ଷଣମୂର୍ତ୍ତିସ୍ୱରୂପୋ ୟୋଽସାବାଦିତ୍ୟଃ ପରମପୁରୁଷଃ ସ ଏଷ ରୁଦ୍ରୋ ଦେବତା । ନମଃ ଶିବାୟେତି ବୀଜମ୍ । ଶିବତରାୟେତି ଶକ୍ତିଃ । ମହାଦେବାୟେତି କୀଲକମ୍ । ଶ୍ରୀଉମା-ମହେଶ୍ୱର-ପ୍ରସାଦ-ସିଦ୍ଧ୍ୟର୍ଥେ ଜପେ ବିନିୟୋଗଃ ।
ଅଗ୍ନିହୋତ୍ରାତ୍ମନେ ଅଙ୍ଗୁଷ୍ଠାଭ୍ୟାଂ ନମଃ । ଦର୍ଶପୂର୍ଣ୍ଣମାସାତ୍ମନେ ତର୍ଜନୀଭ୍ୟାଂ ନମଃ । ଚାତୁର୍ମାସ୍ୟାତ୍ମନେ ମଧ୍ୟମାଭ୍ୟାଂ ନମଃ । ନିରୂଢପଶୁବନ୍ଧାତ୍ମନେ ଅନାମିକାଭ୍ୟାଂ ନମଃ । ଜ୍ୟୋତିଷ୍ଠୋମାତ୍ମନେ କନିଷ୍ଠିକାଭ୍ୟାଂ ନମଃ । ସର୍ବକ୍ରତ୍ୱାତ୍ମନେ କରତଲକରପୃଷ୍ଠାଭ୍ୟାଂ ନମଃ ।
ଅଗ୍ନିହୋତ୍ରାତ୍ମନେ ହୃଦୟାୟ ନମଃ । ଦଶପୂର୍ଣ୍ଣମାସାତ୍ମନେ ଶିରସେ ସ୍ୱାହା । ଚାତୁର୍ମାସ୍ୟାତ୍ମନେ ଶିଖାୟୈ ବଷଟ୍ । ନିରୂଢପଶୁବନ୍ଧାତ୍ମନେ କବଚାୟଂ ହୁଂ । ଜ୍ୟୋତିଷ୍ଠୋମାତ୍ମନେ ନେତ୍ରତ୍ରୟାୟ ବୌଷଟ୍ । ସର୍ବକ୍ରତ୍ୱାତ୍ମନେ ଅସ୍ତ୍ରାୟ ଫଟ୍ । ଭୂର୍ଭୁବସ୍‌ସୁବରୋମିତି ଦିଗ୍‌ବନ୍ଧଃ । ।
ଧ୍ୟାନମ୍‌
ଆପାତାଳ-ନଭଃ ସ୍ଥଳାନ୍ତ-ଭୁବନ-ବ୍ରହ୍ମାଣ୍ଡ-ମାବିସ୍ଫୁରତ୍‌
ଜ୍ୟୋତିଃ ସ୍ଫାଟିକ-ଲିଙ୍ଗ-ମୌଳି-ବିଲସତ୍‌-ପୂର୍ଣ୍ଣେନ୍ଦୁ-ବାନ୍ତାମୃତୈଃ ।
ଅସ୍ତୋକାପ୍ଲୁତ-ମେକ-ମୀଶ-ମନୀଶଂ ରୁଦ୍ରାନୁବାକାଞ୍ଜପନ୍
ଧ୍ୟାୟେ-ଦୀପ୍ସିତ-ସିଦ୍ଧୟେ ଧ୍ରୁବପଦଂ ବିପ୍ରୋଽଭିଷିଞ୍ଚେ-ଚ୍ଛିବମ୍ ।
ବ୍ରହ୍ମାଣ୍ଡ-ବ୍ୟାପ୍ତଦେହା ଭସିତହିମରୁଚା ଭାସମାନା ଭୁଜଙ୍ଗୈଃ
କଣ୍ଠେ କାଲାଃ କପର୍ଦାକଲିତ-ଶଶିକଲା-ଶ୍ଚଣ୍ଡକୋଦଣ୍ଡହସ୍ତାଃ ।
ତ୍ର‌୍ୟକ୍ଷା ରୁଦ୍ରାକ୍ଷମାଲାଃ ପ୍ରକଟିତବିଭବା ଶାମ୍ଭବା ମୂର୍ତ୍ତିଭେଦା
ରୁଦ୍ରାଃ ଶ୍ରୀରୁଦ୍ରସୂକ୍ତ-ପ୍ରକଟିତବିଭବା ନଃ ପ୍ରୟଚ୍ଛନ୍ତୁ ସୌଖ୍ୟମ୍ । ।
ଓଁ ଗଣାନାଂ ତ୍ୱା ଗଣପତିଗ୍‌ଂ ହବାମହେ କବିଂ କବୀନାମ୍ ଉପମଶ୍ରବସ୍ତମମ । ଜ୍ୟେଷ୍ଠରାଜଂ ବ୍ରହ୍ମଣାଂ ବ୍ରହ୍ମଣସ୍ପତ ଆ ନଃ ଶୃଣ୍‌ବନ୍ନୂତିଭିସ୍‌ସୀଦ ସାଦନମ୍ । । ଓଁ ଶ୍ରୀ ଜ୍ଞାନ-ଗଣପତୟେ ନମଃ । ।
ଶଂ ଚ ମେ ମୟଶ୍ଚ ମେ ପ୍ରିୟଂ ଚ ମେଽନୁକାମଶ୍ଚ ମେ କାମଶ୍ଚ ମେ ସୌମନସଶ୍ଚ ମେ ଭଦ୍ରଂ ଚ ମେ ଶ୍ରେୟଶ୍ଚ ମେ ବସ୍ୟଶ୍ଚ ମେ ୟଶଶ୍ଚ ମେ ଭଗଶ୍ଚ ମେ ଦ୍ରବିଣଂ ଚ ମେ ୟନ୍ତା ଚ ମେ ଧର୍ତ୍ତା ଚ ମେ କ୍ଷେମଶ୍ଚ ମେ ଧୃତ୍ତିଶ୍ଚ ମେ ବିଶ୍ୱଂ ଚ ମେ ମହଶ୍ଚ ମେ ସଂବିଚ୍ଚ ମେ ଜ୍ଞାତ୍ରଂ ଚ ମେ ସୂଶ୍ଚ ମେ ପ୍ରସୂଶ୍ଚ ମେ ସୀରଂ ଚ ମେ ଲୟଶ୍ଚ ମ ଋତଂ ଚ ମେଽମୃତଂ ଚ ମେଽୟକ୍ଷ୍ମଂ ଚ ମେଽନାମୟଚ୍ଚ ମେ ଜୀବାତୁଶ୍ଚ ମେ ଦୀର୍ଘାୟୁତ୍ୱଂ ଚ ମେଽନାମିତ୍ରଂ ଚ ମେଽଭୟଂ ଚ ମେ ସୁଗଂ ଚ ମେ ଶୟନଂ ଚ ମେ ସୂଷା ଚ ମେ ସୁଦିନଂ ଚ ମେ । ।
ଓଁ ଶାନ୍ତିଃ ଶାନ୍ତିଃ ଶାନ୍ତିଃ । ।

Add a Comment

Your email address will not be published. Required fields are marked *